2018年7月7日星期六
南丫島之南
六、七月份去了兩次離島過夜遊,一次比一次精彩。
首先我呢啲冇乜計劃的人次次都係臨小石人孖日休息前幾日先戚起條筋揾旅遊點。
以前冇試過上網揾房源的我誤打誤撞用咗個app,咁抆水梗係冇渡假屋租啦,點知小石人竟然有興趣露營^^".....
搭街渡將到模達灣時,船家見有隻狗喺大海茫茫游緊狗仔式,佢哋真係好心,繼而企圖用支長竹柄撈箕撈佢,好大隻咕喎。攪嚟攪去唔係辦法,卒之有個西婦二話不說咚一聲跳海營求,其實隻狗又唔熟個人點會啋丫,結果個西婦係追極都追唔到呢隻機靈神犬。最後俾人救的早早上岸,個婦人就有排都游唔返埋岸。
人跡罕至只有一間假日才開的士多,所以無論住渡假屋定露宿都最好自己帶齊所有用品同食物。
本來只是住一晚但見嗰度環境清靜,天氣好時晚上可觀賞銀河星際早上又睇到日出,小石人係攝影發燒友,合晒河車。佢好開心於是我哋同房東商量再住多一晚。
問題嚟嘞。。缺糧,幸運的我們,同當地熱情又識做生意的士多老闆娘尚算投緣呀,在資源匱乏的情況下竟然有兩條烏頭魚、有雞有菜做晚餐。
嗰度啲狗呢,冇對陌生人狂吠。好多隻而且有山頭主意,到個沙灘冇乜人佢哋就會兩幫狗鬥吠...有如蠱惑仔晒馬咩嘢咩嘢咁裝胸作勢。到有一幫走頭,另一幫又會輸狗唔輸陣咁死都要講最後一句先算贏咁。
由唔知幾時開始,沙灘經常漂嚟好多好多垃圾,我用自己微薄的人力執走塑膠廢物時,抬頭就有隻執緊食物的狗望住我,好似同我講:「喂,妳做乜同我搶食!」咁我就扮冇嘢咁啦,瞄兩瞄佢覺我冇威脅就走。佢哋拾荒執到垃圾時,個口擔住「美食』係笑笑口行起上嚟個步姿輕快屁股摟動...好開心的。
訂閱:
發佈留言 (Atom)
喜得人生新目標
很感謝各位, 剛開了另一新網誌就有好友們來訪。 那片樂土是用來紀錄學佛之路;給有興趣多研習的同修;獻對這去煩惱得自在法門多了解的同好。 更考慮到大家連結Coolhim這處原本可能是與財務自由有關。網友們有自己向善的不同信仰,閱文心生歡喜心至為重要,所以我另闢新天...
-
都係同一扇天窗,投射出來是不同的景象,好有趣。 呢排升巿,說實話係捱得辛苦過跌巿! 何解,之前自己買的貨跌到幾近麻木,堅持,睇啱方向都要有個繼續來來回回跌的漫長過程。 小石人做得好,佢係唔會過問我做緊同做過啲乜。只有我最清楚自攪出嚟的狀態。 今晚B呢巴啦倒晒呢排忍得幾辛苦爆爆爆...
-
舊照佢影,呢幅從影FA~以嚟影得最靚,睇吓眼神幾咁柔和。😁 今日男主人有興趣影吓佢,見親小石人都炸毛刮嘴,唔知邊個買食物回家養我哋,又唔知呢個係救命恩人,救咗妳好多次。 以下嗰啲我影,小石人話呢幅表情得意。 以下攝影能手冇讚 四白眼,精神有冇問題? 公主浸腳,用食物引佢落水,...
-
近期圍繞住呢樣有兩單城中熱話,大家又知唔知曾出土咗呢個牌匾,佢查實係叫九龍寨城。 橫睇豎睇,九龍城寨之圍城,都係一齣值得去戲院觀賞的電影,就問小石人有冇興趣,佢都係向我問嚟問去,似乎唔係前兩次咁一問就應承。 咁我話:"你有興趣就假期一齊去,你唔想睇我會自己一個去睇早場...
-
做緊第一份工時,間機構有畀錢送員工去外展訓練。 食物方面,總之攞咗喺個碟上就要食晒,蠢蠢的我見到啲通菜洽到黑色重走去夾,史上最難食的一碟臭腥味嘅嘢。 有個外籍青年教我哋呢組人(中型卦)駕駛風帆,幾張jibs載10幾人嗰種。記得跟住會畀某啲學員當captain。嗰個男仔當船長時好...
-
小石人:亞K由英國返咗嚟,約咗同佢飲茶,老婆去唔去? 好彩有出山唧,畀我發現嗰間食嚐有: 杏汁豬肺湯呀。。。 臨埋單時問佢哋有冇外賣-係冇嘅。 櫃位重話要訂位同預留。 擇日不如撞日,到四點打去訂位,個聽電話的女人竟然話walkin有位,唔使訂位。 我堅持今天幫襯茶巿時問過,佢...
-
本來是影飲品,搜尋時發現倒影更有趣的相片。 只看表面,內裡細節被忽略是很常見的現象。 食客進入雲吞麵店問這裡甚麼食物最美味。 伙記答道當然是雲吞麵。 食客考慮了一會兒,那麼給我一碗牛腩河。 人就是……或者說有些人,不。。有時人就是飄忽不定。拿...
-
佢話揸住嚟影有味道啲。 今日佢突然走入房請我跳咗part慢舞,真係估佢唔到變得咁浪漫,好開心呀。 小石人又主動提議我喺呢度分享吓佢花咗兩日安裝返妥當的氣浮臂。 儍豹主題曲我好鍾意聽架,呢條片係我個智能電話錄同收音。 ^^ 口罩消毒重用...
-
毛蟲不起眼 吃吃無間斷 一朝成作繭 蝶變顯繽紛 是日操作: 135 買入作價$5.37 659 $9.34 1848 未能成交 趁今天冇咁痛就完成一些積存的家務。提醒自己不要因身體不適而乸口乸面...
-
忘卻固有浮概念 淨化內心新思維 利樂眾生誠宗旨 信願行修離苦道 涅槃究竟得樂享 佛法十分鐘 第358集 命中註定? 佛的知見圓融, 凡夫煩惱未盡;福報不足; 於人間已受著很多觀念限制, 豈能理解無漏智慧。 "唯智&q...
-
昨日早段跌9佰,同小石人講我有鬆毛鬆翼的感覺。。。零持股人在這時間掩蓋不了的喜悅。 唔係唔想買只是按奈著自己。前嗰排我追蹤住的101,見佢跌到好低殘本來想喺派息前入,最終沒有執行而錯失咗財息兼收機會,但如果我冇見好收割,咁而家就會係賠本喇。 點解咁審慎係因為98年買埋啲垃...
模達灣住几錢晚? 是否只有一間?
回覆刪除模達灣只是落船地點,實際要上山行一段路先去到石排灣露營,嗰個房東會搭定個二人營包地蓆睡袋供使用。我再入扲入個app而家一晚費用為$337+俾app的服務費$47。如果你有興趣又願意的話,我Whatapp你send條link介紹你用佢哋服務,佢話會俾$290你作為第一次使用的獎賞。^^
回覆刪除我會再寫一篇去長洲的民宿經歷,嗰度重正
原來仲要行....
刪除我呢種唔做運動漸變身緊龍貓體形嘅免強應付到,你哋後生又跑慣步活力家庭估係冇難度^^
刪除南丫島的房東提咗幾次話稄角山頂風景好好,但因為我哋太攰冇去到,佢聽到覺得好可惜。
長洲嗰度都係要上半山有梯級,正所謂欲求好風光,更上幾層樓哈哈哈
另外,石排灣都有渡假屋較適合你一家三口。租營俾我哋嗰個房東都有渡假屋房源,嗰個人我覺得佢可信賴,你睇房客評論就可掌握更多有用資訊。
回覆刪除