蠔餅~尋日整得唔好,今日再嚟過。
細切薑芫荽蔥
蠔仔用鷹粟粉洗乾淨,以滾水淥佢大概一分鐘,用厨紙索水。
做法:
1.先將加了胡椒粉的蠔仔用油煎乾身,仍有水出的話將多餘水份倒走。
2.兩隻鴨蛋打勻,加少許鹽同胡椒粉,加入料頭。
3.蕃薯粉一湯匙加少許水,待蠔仔煎至較乾身,將薯粉水攪勻加入蛋液
4.混合了的蛋液倒進再加油的蠔仔中煎煮。
5.完成一邊後倒進碟中,反轉半成品跣回加了油的煎煮器具。
這做法沒有炸般油膩。蠔仔出水令蛋液不能成形是昨天不成功的原因之一,所以今日分開先煎蠔仔而不是將所有東西混合製作。
^^
今天終於看看自己強積金組合,由全保守轉了50%至恒生中國企業指數基金,反正錢唔多,喺而家呢啲兩邊有權爆,主要金融股已下調的情況下,試吓無妨。
整蠔餅仲慘過過大海賭大細，我煮嘅話多數失敗。
回覆刪除始終啲蠔仔出水嘅問題真係好難處理，一處理得唔好就唔係蠔餅㗎喇。
都係用滾水出水最穩陣。
刪除我都試過用碟去返轉第二邊煎，但都係好難返。
回覆刪除我覺得而家啲薯粉好似唔同以前。
回覆刪除我今次用個小煲嚟煎煮的。可能用啱大細的平底鑊效果會好啲,但冇奶油特登買隻專用鑊喇。
我今次都翻得好呢hea😅。。。
細個時企喺老豆後面睇佢煮。佢用個殼將混合液逐塊煎,我N年前試過行得通的。成品係小塊蠔蛋餅,薄啲。
下次我可以用呢個方法試😁
如果攪得掂,中圍骰。哈哈哈~
一次覆兩位。
用細鑊係容易啲，重可以拋鑊，但我唔想用易潔鑊，屋企冇煎 pan ，都要再諗諗。
刪除我之前看過一次無忌兄的和另外一個人的煮法。但臨場就冇再返睇,用老豆的用料又唔用佢嘅煮法。
刪除我諗我哋都唔想用咁多油係好大關係,另外成餅改為將材料分細去煎,應該解決到翻蛋的問題。
其實我最鍾意的。。。係蠔仔粥😄
家庭式少油細火咁煎，當然沒法和坊間的商業製品比較。要外脆內滑，多數係用油炸，生蠔肉連粉漿一齊掉落去，炸到浮面翻幾下就整好一份，每份亦只有一人份量咁大，咁樣先好食的，自己用其他方法，整極都整唔倒。
刪除講開易潔鑊，為健康著想，多數係用佢煮食，貪佢可以落少啲油，尤其是煎蛋食品，幾乎一定係用佢，但又難免擔心會食多左膠... 所以唔買太平的，同埋一兩年就換一隻安心啲。
以前屋企都係用易潔煲同鑊特X,用過幾套發現佢質素每況愈下,塗層易剝落。
刪除後尾同老公去永安買B字頭的煲,煎煮炸打甂爐都係用佢,易清潔重量適中幾好用。係個煲蓋的空隙入水難整乾,其他冇嘢挑剔😅
喺屋企整到又有唔同的樂趣,兩公婆撐枱腳開餐陰啲陰啲。
我哋三個都會將自己失敗的經歷分享,證明我哋都係真實個案真人show。跌咗再重新嚟過,有毅力。道真兄見過無忌兄的真材實料又樂意分享。。寫網誌就係有咁嘅好處。
薯粉你一定要用潮洲的薯粉，帶点粗粒狀粒，才好吃，大家不妨去九龍城或或北角潮洲雜貨点找找。。薯粉如果是平滑狀（好吃的蠔餅，不是是煎成塊，而是帶点絡（棉棉帶点焦香的狀態），已经是註定失敗一半！股海大家可能玩得非常精精湛，但煑東西仍有待改善空間！哈哈哈！食神
回覆刪除真係一言驚醒半個潮洲人,唔怪得知薯粉唔同啦。
刪除我以前住九龍城,候王道應該有得賣。
喜歡乜嘢味道係好個人的,有啲鍾意脆口;有啲鍾意外香內滑。傳統整法或微調修改,要睇嗰個人想尋兒時味道~快樂回憶,還是現兜兜適切返當下感受。
😊
介紹你吃潮洲麵線，白色一綑綑的，衹有潮洲鋪有售，超好吃！食神
刪除好的,有機會買來試試。
刪除＞＞＞今天終於看看自己強積金組合,由全保守轉了50%至恒生中國企業指數基金,反正錢唔多,喺而家呢啲兩邊有權爆,主要金融股已下調的情況下,試吓無妨。
回覆刪除個人MPF我用了永明10年，同類資產的performance比HSBC好得多... 你可以比較下：
匯豐智選恒生中國企業指數基金
永明彩虹大中華股票基金 - B
要轉個人MPF好容易的，你揾個agent既話兩個鐘會幫你搞晒
米兄,多謝你為我費心。
刪除我下載咗永明的季表睇過。
1.請比較兩者收費。匯豐平好多。
2.永明累積回報好咁多,係因為呢個基金喺2008年成立,以呢個基數做對比一定比以2011成立的那個匯豐計劃累積回報贏九條街。
3.永明這基金有亞里較有活力和可取。匯豐有我哋尋底入貨的中石化😅
我而家就係做緊趁低吸納。
哈哈，我無你咁細心，我只係純睇回報咋 :P
刪除當強積金累積得越嚟越多錢時,每年俾佢抽多1.X%,呢條數值得計吓。因你現在到退休可能重有好多年俾佢抽。佢聰明到唔會顯示俾你睇到。重有近排我諗,佢以基金單位計算,啲股息呢?究竟佢有冇計返俾我哋。。。
刪除當年港府推出呢種計劃要全民勞動人口進貢咁龐大持續利益俾金融行業,中間綴成此事的人實在對我們做成好大不合理的損失。
>>>當強積金累積得越嚟越多錢時,每年俾佢抽多1.X%,呢條數值得計吓。因你現在到退休可能重有好多年俾佢抽。佢聰明到唔會顯示俾你睇到。重有近排我諗,佢以基金單位計算,啲股息呢?究竟佢有冇計返俾我哋。。。
刪除明你個point。
呢個就回到各人有不同取舍（及能力）既問題... 如果個基金經理真係做到高回報，我又唔介意俾高佣... 過去十年我自己選股買買賣賣結果都係蝕，反而MPF升左一倍...
>>>當年港府推出呢種計劃要全民勞動人口進貢咁龐大持續利益俾金融行業,中間綴成此事的人實在對我們做成好大不合理的損失。
唔駛話當年，其實一直有聲音叫MPF可以直接買2800或其他index fund；但政府點會搞得掂啲fund man...