前嗰排小石人話佢同事(下稱老虎)個仔(下稱囝)最近做證券行，囝叫虎賣晒啲匯豐入另一隻萬字頭好好的股票。
我問小石人囝輸過一百萬未?
呢件事又令我諗起199x年(唔好意思，成日講時光倒流幾十年啲陳嘢)。。。
當時有個我估佢五張幾的厨房師父，呢位師父個仔做142第一太平銀行，又係叫老豆買嗰隻股票，好記得當時隻嘢炒到$12蚊或以上。咁做老豆梗係豪氣同要俾信任個仔，最後係跌到一仆一碌喇。
返返現在，我即時扲隻冧把142俾小石人睇。佢冇再出聲..........
過幾日，嘩，隻萬字頭升呀，老虎再打電話俾小石人，應該係好嘢益朋友(真心的)。
到咗呢幾日，大家都知1個Twitter令港股跌成1000點的特狼又發招喇，嗰隻好好股$9.x跌到$7.x，據稱老虎話買咗好多。
今日操作$10.96買入7322，呢隻個成交低係佢其中一個唔好處。
喜得人生新目標
很感謝各位, 剛開了另一新網誌就有好友們來訪。 那片樂土是用來紀錄學佛之路;給有興趣多研習的同修;獻對這去煩惱得自在法門多了解的同好。 更考慮到大家連結Coolhim這處原本可能是與財務自由有關。網友們有自己向善的不同信仰,閱文心生歡喜心至為重要,所以我另闢新天...
-
平時去完人氣店鋸扒後,經過一間唔知佢賣乜嘅舖頭。 上星期八八卦行埋去睇吓,原來係賣糕點的。 糕包好在袋,摸落手重暖。 回家後立即試食,芝麻卷香氣撲鼻,兩款都有一種不能言傳馥郁濃厚軟糯感。 何止糕好,簡直好高 土十九話人蠢,古仔觸機一閃,嗰個先係真正亞七。潛伏多年埋身,做晒所有... -
亞FA~眼中的人形物體。 1自己喜歡自己性格為人處事方式嗎? 2愛跟自身獨處嗎? 3有沒有尋找發掘什麽對我有意義呢? 想遇到怎麼樣的人,就要變成那樣,就可馬上遇上啦。又可再吸引相約的。 不喜歡的,自己就要避免做那些行為。。。嘮叨 批評 否定 操控 在同一圈子內說其他成員是非 敦款... -
呢次裝修其中一樣明智決定係冇畀舊有總電掣箱同食水總掣這些原有內藏設施限死。 裝修想用開放式厨房設計卻被近大門口厨房有以上掣的牆令到東西擺位擠迫。因為我喜歡老爺珍而重之的一張傳統舊餐枱,可以由四人枱開展至六人以上的鵝蛋形木製品。還有四張四平八穩的有靠背椅。 佢哋以前用時係次次都... -
叁佰玖拾蚊~乜嘢用途? 話說我哋上年年尾透過地產洽談到超近居所的短期租約以做家中大裝修。 今年一月十日,早上就聽到有一不知名鳥叫得好大聲。小石人當早到家居地盤就發現有隻表紫紅底透綠的折衷鸚鵡勾在家中的棚網上。 小石人本來搵我上去,諗住我睇完隻雀就放佢走。 捕捉過程當然係雀用力咬... -
尋日小石人影完呢幅,嘩,我覺得靚到氹一聲。佢捕捉到FA~妹專注的頃刻。光線柔和自然睇落啲毛色好似好圓潤咁。絕佳作品。 近期見小FA~Fa表現算穩定,呢排每日都會解鎖鍊餵啲嘢畀佢食,將佢放喺唔同地點方木塊、高腳櫈、觀景台和外帶背囊。讓佢行吓飛吓郁動吓。 最窩心的係佢會自動飛嚟我右... -
做緊第一份工時,間機構有畀錢送員工去外展訓練。 食物方面,總之攞咗喺個碟上就要食晒,蠢蠢的我見到啲通菜洽到黑色重走去夾,史上最難食的一碟臭腥味嘅嘢。 有個外籍青年教我哋呢組人(中型卦)駕駛風帆,幾張jibs載10幾人嗰種。記得跟住會畀某啲學員當captain。嗰個男仔當船長時好... -
佢今日好開心呀,返工嗰度形容為仙境。搵到咁大竇雛鳥嚟影。 成堆雀:我我我我我 遠距離用手機拍到一對葵花鸚鵡雄偉叫聲互相呼應。 可能放咗亞FA~喺呢處附近都生存到? 春來哺幼雛 清明初長形 孜孜勤添食 鳥去留吉窩 續回成雀歸 復再始生機 -
小石人開工前著要5月4日往大澳遊一轉,遊記有相片易勾起記憶,拖住先。呢碗係當地甜品店美食。 5月6日(週六) 覺得有啲喉嚨痛,通常有唔舒服的癥狀就更有鬥志去斷食。想講講,唔係有超多好處,正常人唔會攞苦嚟身的。好彩伴侶非常支持,冇潑冷水不特止,佢重由第二天開始,晚餐主要食生果。因... -
家蛛身手靈活,捉咗影完放走,在家中某角落。 大巿冇方向,成交低迷隨時爆邊,今次落注。 今日買入7200同7226。 美估又入返sdow。 蠅🐯科 我從打豹虎出發,搵到巴莫方胸蛛Thiania bhamoensis係以前啲人鬥金絲貓嗰種跳蛛。 安德遜蠅虎 ~家中發現的蛛 巴莫方... -
今年見面紀念日改為跟進裝修清潔事宜。 無錯,而家陳述事情越嚟越雜亂沒條理。 好聽啲就係多元化,儲得多啲餡先包餃子。 在租短期約時,我縱觀附近地產,主觀認為嗰啲x原美x沒有細舖業主緣咁多。嗰個地產老闆one man band,我入去佢間舖仔時,根本唔想so我。後來知道我哋有自己物...
7322 係咪買標普跌呀?
回覆刪除師姐買跌，真高手。相反，小弟股價市場的確經驗不足，反應遲緩。
刪除再貼剛才小弟在本熊兄地盤的留言：「小弟思考過，既然我們已有中美打一段時間心理打算，其實我們周二時，應該為倉位買保險LP，甚至鎖倉。小弟乜都無做，只能歎一句，經驗不足。苦笑！」
呢個金錢遊戲好似入實驗室咁試試吓,之前冇危機意識變過爆炸頭。。。😂今勻玩新嘢兼做足保護措施,雖然發達冇我份但起碼唔死得人同自己思考過操刀過足癮。
刪除追尋暴升，我就完全無這能力。
回覆刪除呢種消息股水尾先輪到證券初哥收到風又唔定,中咗賺到錢重害咗佢哋下次買大啲。。。
刪除我諗佢哋冇策略冇注碼考慮,好多人初初都係咁入咗股海。。。我覺得最好係自己儲到錢再去攪,唔係攞屋企人啲錢嚟搏。
我諗好少人有追尋爆升股呢個能力,做呢種超高難度動作的一定下過好多功夫 有天聰 有興趣 重可能會買幾隻或多隻睇吓邊隻跑出。😄
刪除呢D 消息真係.....
回覆刪除話講我都試過...好彩係入場時無乜錢...而家仲真係有賺....幸好無再沉迷小道消息, 哈哈
王爺英明。好運👍👍👍
刪除我咪就係199幾年乜都唔識入巿贏💰跟住輸過一百萬嗰個。。哈哈哈
所以小石人一同我咁講,我內心嗰句對白係參與呢場遊戲咁耐,買乜嘢都要自己諗清諗楚,衰喺自己手好過渾噩死咗都唔知乜嘢事。
我冇鄉下仔咁高情操買賣唔係為咗贏。。。😁
師姐, 可以輸一百萬之後再起番身, 真係好難, 身邊有人衰左一次就起唔番身, 佩服!
刪除唔同性格嘅人面對逆境用唔同方法。九型人格中我係5號仔,我就入返自己個山洞。hahaha...
刪除我哋呢代人,冇乜理財知識的涉獵。但我一路堅守住做乜都好一定不可以累人嘅原則,所以唔做槓桿,真金白銀咁輸只要有工作能力又翻生😁。
之後911,2008都係兵荒馬亂時荒失失,諗起都覺得自己好笑。
話時話我真係唔多明點解發豬瘟反而會講成因為來貨少價格貴咗於是股價前排炒起。
回覆刪除正常人呢排唔食大陸豬,生意額少咗盈利少咗架咩。。。
股票奇妙的地方就係...任你點解讀都得!! 我已經睇化左, 哈哈
刪除反而小弟認為因為實際需求如餐廳未太受豬瘟影響(替代品如牛雞也因此升價)，以及買家所簽的期貨合約
刪除https://hk.on.cc/hk/bkn/cnt/news/20180905/bkn-20180905001540392-0905_00822_001.html
或者消費者經濟比想像中高，豬肉價升了仍然需求大，應該升至供應恢復正常/消費者需求下降
多謝留言,這引發我進一步探討這豬肉經營公司業務資料。
刪除我找到有關公司的截至2019年3月31日未經審核綜合季度業績。
http://www.wh-group.com/c/ir_announcement.php
報告內容及報表均顯示業務收入下跌 利潤減少,該公司似乎沒有涉及期豬巿場。
業務分佈中美歐3地。肉製品收入亦減少因美國銷量下跌中國受到不利匯率影響。
期內出欄量屠宰量增加,全部經營地豬價格下行,生豬肉收入下降。隨著毛利率和屠宰量增加在中國方面利潤有所增長。
而由於美國產量過盛生豬養殖經營虧損由比較期間1300萬美元增至本期間1.26億美元。
引起師姐深入探討但小弟只是引用了報導，深感慚愧
刪除小弟再google後本港活豬價由屠房及買家決定
https://www.info.gov.hk/gia/general/201605/11/P201605110805.htm
活豬拍賣價在二○一六年呈現反覆上升的趨勢。據我們從代理所了解，近期活豬價格上升主要是因為內地的供應不足以應付國內需求，因此代理收購活豬的價格亦相應提高。在市場供求的定律下，內地的活豬供應要在變得較為充裕後，價格才會穩定下來。
2008-2015供應及平均拍賣價，和過去12個月按月每日平均活豬供應及拍賣價
http://gia.info.gov.hk/general/201605/11/P201605110805_0805_165744.pdf
http://gia.info.gov.hk/general/201605/11/P201605110805_0805_165745.pdf
https://www.fehd.gov.hk/tc_chi/sh/data/supply_avg_tw.html
反而找到供應大約一直維持在4000隻以上，而平均價格維持在每擔$1000-1500
因此其實供港活豬其實比想像中多及穩定，而自2019年1月起因內地豬瘟減少內地活豬至不足4000隻，但維持大約4000隻，平均價也在$1000-1300內。
至於五豐行為華潤五豐，即是華潤集團期下的公司，但沒有上市。小弟難以搵到報表分析。
豬瘟實際影響為活豬為主，萬洲國際業務上師姐已探討過，業務分散、副產品/替代產品在萬洲國際不太影響。
總結而言，經這一次分析老王兄所言不錯"股票奇妙的地方就係...任你點解讀都得!!"
反而沒有活豬供應7日，替代品如其他肉類會上升
而7日後，豬肉價格反而有波動。
多謝詳細資料。今次的交流個人覺得很有得著。現在網上資訊眾多,找到對分析有用的線索,距離真相又近一步,我當查案😄
刪除投資真係最忌聽人Tips，要自己獨立作出判斷！
回覆刪除喺網誌世界最令人欣喜的,是遇到很多早在財務知識及理念開竅的年青人。。前途無限😄
刪除學到捉🐟 鍛鍊心理質素 網網千斤。
俗語說得好：久在河邊站，哪有不浸鞋？常在浪裡行，哪有不翻船！？江湖就是這樣樣一回事，哈哈哈！路人丙
回覆刪除你離遠看咗大半年,除咗見人哋濕鞋翻艇唔知有冇乜嘢其他見解?如果唔打算試吓水,在各財網瀏覽又有乜原因呢?
刪除師姐，勿動氣。純粹吹吹水，留言衹是支持各位 Blog友。覺得凡事都要用平常心看待。笑看風雲，投資嚴守紀律，確是一件不容易做的的事情。路人丙
回覆刪除