陰陰天,屋企停食水洗水缸。最好就係完上星期話出去行吓的約會。
佢呢排又係休息,可以把臂同遊。
瞓醒覺食完早點,"他他條條"。
出發前同隻🐦講定我哋今日會晏啲返,餵咗兩次豐富飽餐畀佢,乖乖哋睇住門口。
送車尾唔緊要,唔趕。
由中環港鐵站,十分鐘我行唔到去中環某個離島碼頭喎。
咁我提議去快餐店一個餐兩份食就啱啱好。
重有大把時間就去影吓佢前嗰排話放返去趕交所附近的型爆石雕。
影影吓相,又差唔多夠鐘。
哈。
究竟我哋去咗邊個估你唔島呢?
前幾次去開的茶餐廳冇開了,好彩決定英明,食啲嘢先搭船。
比起上次嚟游水,啲水乾淨咗好多好多。
跟住見到有條banner話有甜品食喎,試吓啦。
榛果咖啡 芒果糯米糍
聽濤鳥聲。
第一次同小石人去呢島,體力可由榕樹灣行去索罟灣,沿途影相嬉戲。近兩次到洪聖"耶"。。。休息一陣就折返。
不再。
停水兩蚊去拍拖，認真識歎。
回覆刪除未兩蚊住呀淘兄。付足車費的。😊😄
刪除小石人細過我,佢重要一段時間後先有優惠呢。
耐唔耐被拍攝,就知道唔可以再膨脹下去了。哈哈。
如果你都飲啡,間小店值得一試的,啲糯米糍甜度幾啱清淡口味的,外皮軟糯,去開嗰個島同伴侶一齊去品嚐,重有其他蛋糕同甜品任君選擇。
唔好意思, 睇返舊文先知我誤會咗妳地下年先有兩蚊. 南丫島有兩边我成日分唔到边边打邊邊, 只知一邊鬼多, 一邊華人多.
刪除榕樹灣呢,多啲嘢睇同食,去洪聖爺泳灘近啲。
刪除喜歡遠足的多數會行榕樹灣及索罟灣,由邊邊出發都得,因為中環分別有船去兩個地方。
我哋亦曾經有由香港仔街渡搭去模達灣book Airbnb露營睇星河,模達灣重荒涼,淨係星期日先有個女人經營士多。