斷食前同小石人一齊去處理銀行事宜,之後我提議去有佢兒時回憶的懷舊冰室。佢話細個企喺卡位開心享受美味紅豆冰。有次試菠蘿冰唔對胃口,想再叫。。。
邊有咁容易,畀奶奶鬧,快啲乖乖飲埋🍍冰。😆
我哋幫襯嗰日腰豆眼瞇起咁飲杯冰,笑得天真爛漫,好可愛。
復食,
之前提過今次復食界線模糊,大前日就已經食咗兩箸丁麵同一啖腸。
尋日就食咗細半碗丁麵同幾件刺身。
今午重食海南雞同炒通菜。
延唔到長不特止,還要受唔住誘惑。
而妹下生果同飲吓蔗汁,既在過程中冇咁辛苦,又有少少體力。
今次晚間睡眠較之前好。平時斷食係有夜裡眼光光的。
第9日同第10日都有血糜排出。食咗嘢之後又係冇排了。
便方面也比以前潤暢,5月18日同19日都有。
身痕同平時一樣。。。已維持了好多日。
今次斷咗幾多日唔準確的。😁大約5月6日~17日(以17日晚食丁麵計)。
喺斷食中、早期,面色烏黑額紋多咗,有一次出房睇亞FA~時,佢震晒同有啲驚,唔知係咪以為我就嚟唔得。
我諗動物、小孩們都會感應到親近人的情緒和感覺。
約三日前見到我,佢翼就縮吓又伸吓,同佢比較要好時佢係會翼展同舉起雙翼,我覺得係向我敬禮。呢兩日有向我salute。
今次斷食后有否細心留意身體有咩改善?
回覆刪除外觀:
回覆刪除老公話我個樣後生咗。
體形膨脹程度個肚由5個月降至2~3個月。仍然戴唔返隻結婚戒指。
內在:
意念上較積極,動力強咗。
只能由好轉反應作評估,例如直到而家都重係全身都非常痕。某些部份好似生風癩咁重好大範圍。
如果過程唔想咁辛苦,飲啲青檸水、蔗汁同妹少少生果係好選擇,因為體力有所補充。
我今次做得最唔好的係試圖想延長日數,違反咗順應自然的本質。成個過程要靜心留意身體告訴我哋嘅感覺,幾時感應到覺得停就緩慢逐步地放緩。
又係因為咁以前成日講的慢慢復食係做唔到,變咗冇咗嗰種自制力。
今凌晨22/5我以為會就咁死咗。
整個胃部內撐實曬,一郁都好痛,標冷汗。維持咗好長時間。最後喺好痛的情況下我念佛號,一早瞓醒舒服咗好多,去完洗手間又冇乜事。
不停再睇有關資訊。
每次寧願效果冇咁顯著都唔好強行延長。
謝謝. 我又要做問兒童....
回覆刪除后生咗係因為面容定身軀?
全身痕知否係咩原因? 係排毒過程嗎?
點樣咩感覺自己要停?
妳係一早定咗斷几多日? 定係一路斷到几多得几多?
今朝胃痛估計同斷食有關?
我諗佢都係憑感覺,問佢都講唔到具體。
回覆刪除我覺得皺紋淺咗、而家面部墨多咗斷食唔太能令佢哋減淡。面部纖細咗少少,輪廓較鮮明。身軀就肯定比之前有改善。
全身痕係透過皮膚排緊對身體唔好的物質。
問自己的身體感覺,想停就開始停。
我每次都係一路做一路再評估,唔定幾多日,因為期間有好多變數。或者突然好想食嘢就唔好迫自己。
主觀認為係呢幾日食得太多嘢。
但係,到我今朝排咗啲便之後又唔排除因為要排唔好的東西出來的反應。實在冇人話得到個確實答案。
我滿意在覺得就死時會唸到佛號。第二日彌留都係想做到咁。
收到, 又袋有錢落袋了, 謝謝!!
刪除