家蛛身手靈活,捉咗影完放走,在家中某角落。
大巿冇方向,成交低迷隨時爆邊,今次落注。
今日買入7200同7226。
美估又入返sdow。
我從打豹虎出發,搵到巴莫方胸蛛Thiania bhamoensis係以前啲人鬥金絲貓嗰種跳蛛。
安德遜蠅虎~家中發現的蛛
巴莫方胸蛛~鬥蛛金絲貓
拉丁文 界 門 綱 目 科均相同
巴莫方胸蛛(雌)~呢隻會唔會係傳說中的紅孩兒?
呢三幅小石人影的~係咪老篤呢?
好鬥小貓方胸蛛-綠色力量~呢篇有相及不同金絲貓的介紹。入面相片s又有冇你哋講嘅兒時玩伴呢?
訂閱：
發佈留言 (Atom)
喜得人生新目標
很感謝各位, 剛開了另一新網誌就有好友們來訪。 那片樂土是用來紀錄學佛之路;給有興趣多研習的同修;獻對這去煩惱得自在法門多了解的同好。 更考慮到大家連結Coolhim這處原本可能是與財務自由有關。網友們有自己向善的不同信仰,閱文心生歡喜心至為重要,所以我另闢新天...
-
打颱風,11月14日~兩口子入塲睇呢齣近期熱爆的電影。 再試去嗰間上次睇城寨嘅戲院。一見到隔離係兩個貌似比我年紀大的女人喺度傾偈,心知不妙。 前期廣告佢哋都係🐔啄唔斷講講講。 我問小石人點關閉我部三星,因為唔想淨係靜音,生怕有啲app冇閂聲電影播放期間嘈到人。 老公亦不滿嗰兩... -
小石人曾告訴一舊同事PK有關我不時進行斷食, 他:"其實食嘢好開心架。" 👻唔知男人有鬚。 個個都想餐餐美食, 有啲人慈悲; 有啲人想身體更健康; 有啲人年紀越大根本食唔落咁多。 今次斷咗十日,在上一篇帖文當日已復食。 今次比上次做得好, 這幾天有頭痛頭暈... -
立體雕塑 經導賞講解後畫作更有故事性。不過唔劇透喇。 以上作品,十多位畫家插畫家雕塑家藝術家們都是只得兩個月內完成他們的傑作。其中立體作品細緻程度令人讚嘆。 最難得在欣賞展覽期間,李小龍會會長詳細給大家闡述每幅作品的作者構思,令整個觀賞過程生色不少。 打颱風,落大雨。事關發現... -
11月頭,塱原自然生態公園舉行兩天同樂日。 小石人之前(近期)自己去過一次。(呢個地方,佢哋班攝友以前成日都去,後來政府因與發展商的協議,用呢度成為所謂保育的交換條件,就唔畀人隨便入去,兼起咗啲設施同座石屎建築生態中心。 隨後一位我哋遊大埔坳時(佢追影綬帶🐦)時遇見的老翁(後... -
約2014年同個馬主網友網上交往時,佢話佢曾喺三育書院讀書。 於是我摷吓呢間校嘅資料,位於清水灣道,平時搭去清水灣嘅巴士,好快閃過呢座巍峨建築物。 2014年發現原來此處每年年尾會舉行素食嘉年華開放日,有免費旅遊巴士喺幾個不同港鐵站接有興趣參觀的遊客前往。 一個人徑自去睇吓。呢... -
本來餵佢食香蕉,畀佢咬到小石人手指流晒血。 老公話以後唔餵FA~ 我幫老公處理好傷口後,喺🐦面前掉晒啲蕉落FA~紙都唔畀鳥食。圍封。 老公話我好嬲,我話要擺姿態警告鳥不要咁做。 斷食第七日 胃痛。 -
為免唔記得,短短哋都要寫幾句。 第八日 排泄~清咗 又係狂睇飲食資訊,睇咗當食咗。 第九日 頭痛嗝氣反胃想嘔胃痛身出紅疹痕排返深色液。 兩日都係我餵FA~ 晚間我問佢可唔可以用外賣木羹餵吓。我突然記得有段時間我餵FA~都咬我,我係用金屬鉗同膠羹畀蔬菜頭佢咬同餵佢(而家想返用膠羹... -
近期極佳作~ 食蟻的,有啲影者拍到佢喺一啲樹時保護色到近乎隱咗形。頸圖案色澤似枯木橫切面。 如題,真係好不容易才決定再斷食。期望今次守返好紀律處理得好啲。 明天有精神要安排銀債申請事宜。小石人問嘅問題,都盡力解釋畀佢知。怕且財赤政府暫時還可以按承諾畀到三年約4釐息。我都考慮咗好... -
之前小石人影落的,覺得佢影FA~時經常捕捉得到佢美態。而家小石人叫佢菠蘿菠蘿FA~,一炸毛就係成個紅菠蘿咁。用個嘴勁啄啲木櫈木板表示唔likey。 近幾日老公拍到的,雖然FA~對住我少到近乎冇講人話。見到老公就會講唔同嘢,都好嘅。 最好佢兩個相處得好啲啦。然而好多事情唔到我哋控... -
小石人開工前著要5月4日往大澳遊一轉,遊記有相片易勾起記憶,拖住先。呢碗係當地甜品店美食。 5月6日(週六) 覺得有啲喉嚨痛,通常有唔舒服的癥狀就更有鬥志去斷食。想講講,唔係有超多好處,正常人唔會攞苦嚟身的。好彩伴侶非常支持,冇潑冷水不特止,佢重由第二天開始,晚餐主要食生果。因...
跳蛛仔我最鍾意
回覆刪除希望可以造多隻腳
最少17500
再磨耐啲就有機會上3萬
求跌
求跌
求跌.....
第一次見佢時佢速度快到我捉唔到。影咗出嚟清楚啲,顏色又配搭得幾靚。名符其實四眼仔/妹。眼中呈金字塔三角~係個攝影時用的燈罩倒影。😄
刪除個巿磨咗咁耐,爆上定爆落敲龜背都估唔到。都係個人用注碼比例處理。
上次你已明示可能到萬七五,我仍是等緊第二隻腳too,預留資金買貨。再唔出住就係呢啲買上etf片水。兩手準備應對。
再望清楚啲原來唔止四隻眼喎!!
回覆刪除大隻嗰啲金絲貓重靚呀
刪除千變萬化顏色
品種多到認唔曬
係呀,放大咗睇得細緻啲重更欣賞到佢哋色彩美艷。
刪除影微距嗰個攝影者話,用鏡頭對住啲野生蛛,有時佢哋會舉起前臂作勢對抗。
其實我想問好耐，問chatgpt都未必識，呢啲家庭蛛同我哋細個玩嘅金絲貓有冇分別？
回覆刪除上網查:呢種家蛛叫安德遜蠅虎Hasarius adansoni audouin。
刪除如果你能從網上或跳蛛圖鑑認吓你細個上山用露兜葉摺個盒裝住嗰啲係乜嘢蛛,會唔會搵到你要的答案?
兩塊葉疊住嗰部份裏面就會有隻金絲貓
刪除金絲貓前臂 有一對零舍長觸手 屋企嗰啲跳蛛冇
同埋顏色 通常灰灰地
老篤 黃飛鴻。紅孩兒
等....
有好多名㗎
以前返學心口恤衫袋一定係放金絲貓
褲袋就係蟋蟀
背囊有幾條打魚
哈...
更新貼咗蠅🐯科圖鑑,裡面有家蛛。你哋認吓有冇老督 紅孩兒 黃飛鴻。
回覆刪除細個時我係一舊飯,冇玩過呢啲,認唔到啲疑犯s。😁
呢隻
回覆刪除三個都唔係
哈...
一幅唔係就三幅都唔係架喇,佢係同一隻蛛唔同角度影。
刪除咁巴莫方胸蛛係唔係你哋捉嚟打鬥的金絲貓?雌蛛係咪紅孩兒?
或者最便捷的方法係你去捉晒3種嚟畀我哋睇,佢哋未喺香港絕種。
呀哈哈哈哈哈哈哈
讀緊書 嗰陣喎
刪除嗰陣時蛇我都夠膽捉佢呀
而家見到曱甴都腳軟
嘻...
紅孩兒係雌性㗎佢好肥零舍大隻。
我相信 呢種昆蟲香港仲有好多
尤其係近幾十年都冇人玩金絲貓
冇人去騷擾佢哋
我記得以前去城門水塘捉㗎
或者士多都有得買又或者潛烏龜
哈...
講得啱,我廿幾歲時成條一米幾粗身嘅蛇搭喺頸膊輕纒至手臂都唔驚。後來已經唔敢喇。
刪除搜尋資料期間,發現臉書有啲鬥金絲貓群組仍活躍,有啲幾拾人有啲幾佰人參加;而且網上有人售賣巴莫方胸蛛;亦有人養;也曾見過有公開比賽宣傳。似乎呢項活動又未完全絕跡。可能係啲中年人懷緬嘅事物。
新貼咗綠色力量22年尾有關鬥金絲貓闡述文章,圖文並茂,有冇你講嘅前愛將呢😄🍀
開多个post 比更新易睇。
回覆刪除探索過程。
刪除搵到新資料再放,都係見有用先擺,唔係完整完成先寫。
你的問題你的回憶。
童年時我冇玩過。😆
明白了。男仔玩意，當年如果有女仔玩都幾神，我未見過。😁
刪除細個嗰時實在太多嘢玩
刪除上天下海包羅萬有
有錢可以買冇錢咪去捉
再唔係自己整
時間永遠唔夠用
而家資訊發達搵資料撳幾個掣乜嘢都可以知道
但知得多又唔係好事
似食嘢一樣要消化到先得
有能力去消化至可以吸收
世界變
以前去食嘢顧客點廚房做
而家去食嘢大部份係佢畀乜 啲人就去食乜
搞笑....
會唔會係因為細個思想較純樸簡單,物質生活冇現在咁豐富,所以爭取到得來不易的東西就比較珍惜。而家千帆漸過,能令人驚喜的事物少之又少。
刪除係呀
刪除物質豐盛
心靈空虛