性本趣

由某心理學派角度，夢裡的蛇、火車等長型物體與男士性器有關。

在課堂期間，有個男學生就係喺敎授一講甩晒棚牙呢句之後就猛咁答係呀係呀，原來甩牙同自慰關連 ~ ~ 即時囉爆。

呢段都諗咗好耐寫唔寫好，因為我覺得香港係一個外表開放內裡保守的『國際都市』，尤其是一講到性。好多時啲人係道貌岸然，企於『道德高地』去看事物，性更經常被禁談，收收埋埋相當鬼祟。

從無由父母處得知性知識，我諗佢哋都唔識，多數人由朋輩、色情刋物一知半解的就大把，我就只係中三上生物堂女老師閃閃縮縮咁講解。

總之成件事就係尷尷尬尬。

呢篇都預咗未必有人答嘴，亦唔知網友們點睇我，但係我真係覺得呢個解夢法幾有趣。

而該男生唔需要尷尬，成熟的人理應唔會笑佢。

學得呢科，就係要將深層不為人道的一面引導受者自我釋放、自覺地了解本我、解開心鎖、擺脫痛苦過更美好的人生。

心理上的問題，唯一方法係自救，專業人士只可以協助你自願地了解自己的問題，真正幫到你的就是你自己，呢點，我可以好肯定﹗