斷食2(4)

7月12日

覺得自己精神好少少，想做啲家務。

1 吸塵

2 落雨收衫

加埋呢日終於有便，好吃力先攪得掂。

平時輕而易舉的事，是日做完之後好似去到空氣好稀薄嘅地方咁，歇好耐先平服過嚟。

家人對耳唔靈光，要好大聲先聽到，同佢講嘢時我像啲妖要吐粒內丹出嚟咁，元氣用盡﹗

舌苔超厚同白，清極都唔乾淨。

又嘔咗兩啖嘢出嚟，前幾日啲水、泡係透明，今次就係淺啡色重有啲細小的渣滓。唔明，都冇食嘢咁耐個胃重有嘢？味似我哋醃的酸梅，唔通已經喺個胃發酵咗好耐？

我諗我個胃都好差。

睇咗個節目，原來紐西蘭有啲人專訓練啲狗嚟捉野豬。獵豬犬會包抄圍捕隻豬，追逐完一輪之後，嚇到佢呆企喺度，跟住個獵人就會揪起對豬腳將佢翻轉，再用刀將之殺掉。節目主持人苦苦哀求個獵人放過隻豬，基於獵人的『天性』，僵持咗好耐獵人先肯放。隻豬驚魂未定，好明顯流著兩行眼淚，好可憐。以前我食少啲肉，係因為想健康啲，但而家可能會再食少啲。